Euskadi Irratian atera gara!!!

Gaur goizean hamabiak aldera matematika ikasten ari ginela, Lurdesi Donostiatik Euskadi Irratiko Mariak deitu dio esanez hamar minutu beranduago gure elkarrizketa airean aterako zela. Matematika utzi eta hor jarri gara denok entzuten adi adi. 

Horren zergatia gure blog hau da. Euskadi Irratikoek gure blogean gomazko pultseren informazioa ikusi zuten eta oso interesatuta deitu ziguten elkarrizketa egiteko asmoarekin. Martxoaren 18 an grabatu ziguten eta gaur arte ez dugu jakin noiz emango zuten.
Entzun hemen:

TXIKIEKIN PULTSERAK EGITEN

Gaur, martxoak 21,  Carmenek, HH4ko irakasleak, galdetu digu ea prest gauden lau urteko umeei pultserak egiten irakasteko. Guk baietz esan diogu eta arratsaldean eurekin elkartu gara. Garbiñen eta Carmenen ikasleak euren solairuko aterpean itxaron gaituzte eta taldetxoetan eseri gara.

Carmenek eta Garbik materiala banatu digute eta guk binaka jarri gara talde txikietan erakusteko eta laguntzeko. Oso azkar ikasi dute, batzuk pultsera amaitu dute eta beste batzuk eraztuna  egin dute.

Asko gustatu zaigu irakasleak izatea. Eurek ere oso ondo pasatu dute.

BIZTANLERIA

Gomazko pultserak

Altzaga Ikastolan gomazko pultserak modan daude. Patioan neska-mutilak pultserak egiten ikusten ditugu. Jendea ikasten ari da. Klaseko gehienok badakizkigu egiten eta oparitzen ditugu. Hemen azaltzen dugu nola egin. Ea gustatzen zaizuen.

Nola egiten dira

• Materiala:
  

-          koloretako goma txikiak

-          lotura gardenak

-          gantxiloa

-          arropa pintza edo bi bolaluma

• Prozedura  Galburu formakoa egiteko:

1.      Lehenengo hiru goma hartu behar dituzu. Goma bat zortziaren forma eginez arropa-pintzan sartzen dugu. Ondoren beste biak sartzen ditugu arropa-pintzan baina biratu gabe. Gero beheko goma igo egiten da.

2.      Laugarren goma bat hartzen dugu eta pintzan sartzen dugu eta igotzen dugu azpiko goma.

3.   Bosgarren goma sartzen dugu pintzan eta azpikoa igotzen dugu gainetik. Horrela jarraitzen dugu nahi dugun luzera lortu arte.

4.      Amaitzeko lehenengo gomatik lokailua sartzen dugu. Gero azken gomatik berdina sartzen dugu eta horrela  gure pultsera lotzen dugu.

Forma desberdinak

Forma desberdinetakoak egin daitezke, galburu formakoak, V formakoak, kateak eginez… Kolore desberdinak konbinatuz, ostadar koloreak erabiliz…

Kontuz ibili minik ez egiteko

Paketean datozen lokailuak erabili pultsera lotzeko, ez dugu aholkatzen kliparen erabilera min egin daitekelako. Kontuz gomekin hatzamarretan, ez bait du uzten 

odola pasatzen.

Non erosi materiala

      Gomak txinatar dendetan eros ditzakezue, gure ustez merkeagoak dira. Pakete batek 0,90 € balio du, bertan 150 gomatxo datoz. Badaude pakete handiagoak, 500 gomatxo dituen paketeak 2,20€ balio du.

Gauza gehiago egin daitezke

Eskumuturrekoak dira gehienetan egiten ditugun gauzak, baina beste batzuk ere egin daitezke: eraztunak, kateak, giltzariak, estutxeari edo motxilari lotzeko katetxoa, lepokoak, belarritakoak… Hauexek dira egin ditzakegun gauza batzuk.

 L.H. 4.maila B

Rapero martxosoak

Eguraldi euritsua atera zen azkenean eta ezin izan genuen gure rap martxosoa patioan egin. Desfilea eta dantza gimnasioan egin genituen. Begira zein dotore gauden!

Pentsatzeko eta ondo pasatzeko

 

Saltoka jolasa

 


Oihanean galduta